“Amarcòrd”
“Amarcòrd”… quand a sera un pütin
e le sere a le sinch a s’andava a i giardin
…as fava le pòrte con quàtar fagòt
e as şügava a balün fin a le òt.
As şügava ʼpò tüti, dai nöf a i novanta,
l’ünica gata l’era che in sa’l mès a gh era una pianta;
se al balün l’andava da Farinèli, ad banda ’l molin
al püsè picol al saltava ’l cancèl come un gatin.
Invece i era ’n pò dli paranòi
quand al finiva déntar al pisatòi,
alora via a la fontana ’d ardensaras a na qual manera
e dòpo at corevi a ca, perchè l’era şa sera!
“Amarcòrd” quand la Şòe la vendeva i gelati
e as parlava sol ad calcio e dle inprese di pirati,
a discütar ad marcadüri e “quàtar-quàtar-dü”,
quei brao con la bala o quei che invece igh da dal vü!
Ad come as lancia l’òm o come sa stòpa la biglia
s’l’è mèi vìnsar al canpionà o èl mèi la copa Emiglia.
Perchè a Guènol, as sa, i è tüti intendidor,
giornalista, dirigent e a l’ocorensa alenador.
“Amarcòrd” quand a gh era Belinaşi in piasa a Caşàl
ch’al ghea sénpar vèrt: anca par Pasqua e par Nadal.
E al Cures, in motorin e magari an pò còt
l’Elvira la’t fava misèla anca dòpo mèşanòt;
quand Rico al girava con la stadera
e al Ghignèr al fotografava tüt quel ch’a gh era.
Che bèl, pu, l’aşilo e li me scöli vèci,
e na qual gaşa ’d Manfredini a caval a dli oreci!
“Amarcòrd” al vilo e le caramèle a l’òrş,
le Citroen ad Masòch con la müşica di Doors.
Al Patio, al Due Stelle e al Melamara
e po al Caravèl prima ch’as ciàmes Mascara.
Al tubolare e al Ciao col “sellone”
l’Aletta Rossa e l’Aspes Yuma dal Lelone.
E an penser püsè da chiàltar, na ròba rara:
l’Afro in sal pra a dla fera e Paolino Fornara.
“Amarcòrd”, ma… son mia tant sicür,
se ad banda a via Vèneto na vòlta agh fös un mür
par riparar al paes in caşo d’alüvion
in primavera, in autün e in tüte le stagion.
Quand sota i pòrtach a gh era la cooperativa
e al tabachin a l’era a dla Maria a dl’Argìa.
Quand da dla a dla strada a gh era la Nòra
e da Maşal ad magnavi la pisa déntar e föra.
Quand le ciuinghe le ghea déntar al tatüagio
ch’l’andava via dòpo al prim lavagio.
Quand le schedine le ghea “Matrice e Figlia”
e le fòto di ciclista a i era déntar in na biglia.
Quand in piasa ’t şügavi a caranpana
e al fóran a l’era quel ad Tarana.
Insoma quand Mens al gneva sü
parchè a la fin ch’a decideva l’era sénpar lü.
“Amarcòrd” ...e cèrti ròbi “a mi a ricòrdi mia”
perchè col tenp a sa scoloris anca la fotografia
e l’è dificil scrìvar quel ch’a pasa par la tèsta
in di moment trist ed in di gioran ad fèsta.
Se a ta’t guardi d’intoran, ògni an a manca un qualdün
ma ’s pöl mia dir da nò quand a ciàma ’l “Padrün”…
e al tenp al pasa par vüaltar e an pò anca par mi
ma fin ch’a s’la contema l’è perchè a sema ancora chì!
“Amarcòrd”
“Amarcord” quando ero un bambino / e la sera alle cinque andavo ai giardini / si facevano le porte con dei fagotti / e si giocava a pallone fino alle otto / Si giocava tutti, dai nove ai novant’anni / l’unico problema era che in mezzo c’era una pianta / Se il pallone andava (in casa) da Farinelli di fianco al molino / il più piccolo saltava il cancello come un gatto / Invece erano un po’ dei problemi / quando finiva nel vespasiano / allora di corsa alla fontana per lavarti in qualche mod o/ e poi casa che era già sera / “Amarcord” quando la Zoe aveva il bar / e si parlava solo di calcio e delle gesta dei pirati / a discutere di marcature e di schemi / di quelli bravi con la palla e di quelli che invece lo erano meno / Di come si lancia l’uomo o si stoppa la palla / se è meglio vincere il campionato o la coppa Emilia / Perché a Governolo si sa son tutti intenditori di calcio / giornalisti, dirigenti e all’occorrenza allenatori / “Amarcord” quando c’era Bellinazzi a Casale / che aveva sempre aperto, anche per Pasqua e per Natale / E a Correggio, in motorino e un po’ stanco / l’Elvira ti faceva benzina anche dopo mezzanotte / Quando Enrico girava con la bilancia / ed il fotografo fotografava tutto quello che c’era / Che bello poi l’asilo e le mie vecchie scuole / e qualche sberla del (maestro) Manfredini sulle orecchie! / “Amarcord” il gioco della lippa e le caramelle all’orzo / le Citroen dei Mazzocchi con la musica dei Doors / il Patio, il Due Stelle ed il Melamara / e poi il Caravel prima che si chiamasse Mascara / Il tubolare ed il Ciao con la sella lunga / l’”Aletta Rossa” e l’”Aspes Yuma” del Lele / E un pensiero più degli altri, una cosa non da poco / l’afroraduno sul campo fiera e Paolino Fornara / “Amarcord” ma non son molto sicuro / se di fianco a via Veneto una volta ci fosse un muro / per proteggere il paese in caso d’alluvione/ in primavera, in autunno ed in tutte le stagioni / Quando sotto ai portici c’era il bar Cooperativa / ed il tabaccaio era della Maria dell’Argìa / Quando dall’altra parte della strada c’era (il ristorante de) la Leonora / e da Mazzali mangiavi la pizza al chiuso e all’aperto / Quando i chewing gum avevano dentro il tatuaggio / che andava via se ti lavavi / Quando le schedine avevano matrice e figlia / e le foto dei ciclisti erano dentro ad una biglia / Quando in piazza giocavi a carampana / ed il forno era quello di Tarana / Insomma quando Mincio veniva su / perché in fondo era sempre lui a decidere / “Amarcord” e certe cose non me le ricordo / perché col tempo scolora anche la fotografia / ed è difficile scrivere quello che passa nella testa / nei giorni tristi e nelle giornate allegre / Se ti guardi attorno ogni anno manca qualcuno / ma è difficile dire di no quando chiama il padrone (Dio) / e il tempo passa per voi e un po’ anche per me / ma fin che continuiamo a fare racconti è perché siamo ancora vivi.
